अगा वैकुंठीच्या राया

अगा वैकुंठीच्या राया ।
अगा विठ्ठल सखया ॥१॥

अगा नारायणा ।
अगा वासुदेवनंदना ॥२॥

अगा पुंडलिक वरदा ।
अगा विष्णू तू गोविंदा ॥३॥

अगा रखुमाईच्या कांता ।
कान्होपात्रा राखी आता ॥४॥



रचना    -     संत कान्होपात्रा
संगीत   -     मा. कृष्णराव,  विनायकबुवा पटवर्धन
स्वर      -     पं. राम मराठे
नाटक   -    संत कान्होपात्रा (१९३१)
राग      -    भैरवी
ताल     -    केरवा

नको देवराया अंत आता पाहू

नको देवराया अंत आता पाहू
प्राण हा सर्वथा जाऊ पाहे

हरिणीचे पाडस व्याघ्रे धरीयेले
मजलागी जाहले तैसे देवा

तुजविण ठावं न दिसे त्रिभुवनी
धावे हो जननी विठाबाई

मोकलूनी आस जाहले उदास
घेई कान्होपात्रेस हृदयात




रचना     -    संत कान्होपात्रा
संगीत    -    आनंदघन
स्वर       -    पं. हृदयनाथ मंगेशकर
चित्रपट   -    साधी माणसं (१९६३)