देवा करी गा निःसंतान

ऐकावे विठ्ठल धुरे । विनंती माझी हो सत्वरें ॥ १ ॥
करी संसाराची बोहरी । इतुकें मागतों श्रीहरी ॥ २ ॥
कष्ट करितां जन्म गेला । तुझा विसर पडला ॥ ३ ॥
माळी सावता मागे संतान । देवा करी गा निःसंतान ॥ ४ ॥


रचना - संत सावता माळी 

कांदा-मुळा-भाजी

कांदा-मुळा-भाजी ।
अवघीं विठाई माझी ॥१॥

लसुण-मिरची-कोथिंबिरी ।
अवघा झाला माझा हरीं ॥२॥

ऊस-गाजर-रातळू ।
अवघा झालासें गोपाळू ॥३॥

मोट-नाडा-विहींर-दोरी ।
अवघीं व्यापिली पंढरी ॥४॥

सावता म्हणें केला मळा ।
विठ्ठल पायीं गोविंला गळा ॥५॥



रचना     -     संत सावता माळी
संगीत    -     स्‍नेहल भाटकर
स्वर      -     स्‍नेहल भाटकर