आलीस कशाला, गऽ,
आलीस कशाला !
चाहूल मलाही,
कळली पण नाही :
बगिच्यातच माझ्या, गऽ, शिरलीस कशाला?
दावून शहाणे
लटकेच बहाणे
जवळून जराशी, गऽ, फिरलीस कशाला?
कलवून फुलारी
जमिनीवर सारी
सांडून फुले तू, गऽ, लवलीस कशाला?
म्हटलेस दिवाणे
मधुसूचक गाणे ;
लडिवाळपणाने, गऽ, हसलीस कशाला?
परतून अखेरी
गेलीस, किशोरी!
हृदयातच, पोरी गऽ, उरलीस कशाला?
आलीस कशाला, गऽ,
आलीस कशाला !
कवी - ना. घ. देशपांडे
कवितासंग्रह - शीळ
आलीस कशाला !
चाहूल मलाही,
कळली पण नाही :
बगिच्यातच माझ्या, गऽ, शिरलीस कशाला?
दावून शहाणे
लटकेच बहाणे
जवळून जराशी, गऽ, फिरलीस कशाला?
कलवून फुलारी
जमिनीवर सारी
सांडून फुले तू, गऽ, लवलीस कशाला?
म्हटलेस दिवाणे
मधुसूचक गाणे ;
लडिवाळपणाने, गऽ, हसलीस कशाला?
परतून अखेरी
गेलीस, किशोरी!
हृदयातच, पोरी गऽ, उरलीस कशाला?
आलीस कशाला, गऽ,
आलीस कशाला !
कवी - ना. घ. देशपांडे
कवितासंग्रह - शीळ
कोणत्याही टिप्पण्या नाहीत:
टिप्पणी पोस्ट करा