या माथ्यावरती ठळक चांदण्या नऊ
ही अवती भवती हिरवळ हिरवी मऊऽऽ जी !
ही झुडुपे, झाडे, रानवेल साजरे
चांदणे हिवाळी, मंद, धुंद, झांजरेऽऽ जी !
रानांत भोवती खचून भरले धुके
हातात कोकरू थकून निजले मुकेऽऽ जी !
हुरहुरु नको गऽ, नकोस दचकू, सरू,
चिवचिवते चुकले एक रानपाखरूऽऽ जी !
या झाकळलेल्या सबंध खो-यामधी
कुजबुजते गाणे धुंद एकली नदीऽऽ जी !
हा सबंध माझातुझाच सवता सुभा
भोवती मुक्यानं कळप राहिला उभाऽऽ जी !
या निजल्या मेंढ्या मुक्यामुक्यानं जुनू
हळुवार लावणी हळूहळू गुणगुणूऽऽ जी !
कवी - ना. घ. देशपांडे
कवितासंग्रह - शीळ
ही अवती भवती हिरवळ हिरवी मऊऽऽ जी !
ही झुडुपे, झाडे, रानवेल साजरे
चांदणे हिवाळी, मंद, धुंद, झांजरेऽऽ जी !
रानांत भोवती खचून भरले धुके
हातात कोकरू थकून निजले मुकेऽऽ जी !
हुरहुरु नको गऽ, नकोस दचकू, सरू,
चिवचिवते चुकले एक रानपाखरूऽऽ जी !
या झाकळलेल्या सबंध खो-यामधी
कुजबुजते गाणे धुंद एकली नदीऽऽ जी !
हा सबंध माझातुझाच सवता सुभा
भोवती मुक्यानं कळप राहिला उभाऽऽ जी !
या निजल्या मेंढ्या मुक्यामुक्यानं जुनू
हळुवार लावणी हळूहळू गुणगुणूऽऽ जी !
कवी - ना. घ. देशपांडे
कवितासंग्रह - शीळ
कोणत्याही टिप्पण्या नाहीत:
टिप्पणी पोस्ट करा