"असेंच हें चालायाचें
गरिब बिचा-या दलितांचें ;
जगताच्या सौख्यासाठीं
मरती ते अर्ध्यापोटीं.
हा देवाघरला न्याय,
इलाज त्यापुढती काय ?"
चोरांचें तत्वज्ञान
ऐकुनि हें किटले कान.
संत आणखी सरदार
चोरांचे साथीदार !
अन्नवांचुनि जे मरती
उपास त्या शिकवा म्हणती !
व्याघ्रसिंह धांवुनी येतां
जीवास्तव त्यांशीं लढतां,
करुं नका हिंसा अगदीं !
कोंकरांस सांगति आधीं !
समतेची पोपटपंची
जपमाला मधु तत्वांची,
शक्त नसे करण्या कांहीं
दलित सदा दलितच राही.
क्रान्तीचा रक्तध्वज तो
दृष्टिपुढें फडफडत येतो.
दलित जनीं उसळत थोर,
शक्ति असे अपरंपार;
ती सारी केंद्रित करुनी
रक्तध्वज पुढतीं धरुनी
जुलुमाचें उखडूं मूळ,
ढोंग्यांचें काढूं खूळ !
लाखांचें मारुनि पोट,
चाटित जे बसले ओंठ,
त्या चौरां हतबल करुनी,
सर्वस्वा त्यांच्या हरुनी,
लोकांचें सर्वस्व असें,
लोकां देउनि टाकुं कसें !
वसुंधरामाई अमुची
चोरुनि जे बसले त्यांची
हिरावुनी शक्ती घेऊं
लोकांचें लोकां देऊं !
कवी - अनंत काणेकर
कवितासंग्रह - चांदरात
- ७ ऑगस्ट १९२९
गरिब बिचा-या दलितांचें ;
जगताच्या सौख्यासाठीं
मरती ते अर्ध्यापोटीं.
हा देवाघरला न्याय,
इलाज त्यापुढती काय ?"
चोरांचें तत्वज्ञान
ऐकुनि हें किटले कान.
संत आणखी सरदार
चोरांचे साथीदार !
अन्नवांचुनि जे मरती
उपास त्या शिकवा म्हणती !
व्याघ्रसिंह धांवुनी येतां
जीवास्तव त्यांशीं लढतां,
करुं नका हिंसा अगदीं !
कोंकरांस सांगति आधीं !
समतेची पोपटपंची
जपमाला मधु तत्वांची,
शक्त नसे करण्या कांहीं
दलित सदा दलितच राही.
क्रान्तीचा रक्तध्वज तो
दृष्टिपुढें फडफडत येतो.
दलित जनीं उसळत थोर,
शक्ति असे अपरंपार;
ती सारी केंद्रित करुनी
रक्तध्वज पुढतीं धरुनी
जुलुमाचें उखडूं मूळ,
ढोंग्यांचें काढूं खूळ !
लाखांचें मारुनि पोट,
चाटित जे बसले ओंठ,
त्या चौरां हतबल करुनी,
सर्वस्वा त्यांच्या हरुनी,
लोकांचें सर्वस्व असें,
लोकां देउनि टाकुं कसें !
वसुंधरामाई अमुची
चोरुनि जे बसले त्यांची
हिरावुनी शक्ती घेऊं
लोकांचें लोकां देऊं !
कवी - अनंत काणेकर
कवितासंग्रह - चांदरात
- ७ ऑगस्ट १९२९
कोणत्याही टिप्पण्या नाहीत:
टिप्पणी पोस्ट करा